Дербес ойлау еркіндігі әркімге бірдей беріле бермейді-ғой. содан шығар өзімізше ой пішіп, әркімнің ой-пікірінің жүлгесімен кете беретініміз... 
Адамзаттың өмір тарихында, еш адам құдай жоқ деп айтпаған. Кешегі Перғауынның өзі де құдай жоқ демеген (өзін құдаймын деген). Ал құдайсыз қоғамда не бір былықтың болғанын көз көрді, құлақ естіді... Қош. Жүрекке иман, тілге калима келген бүгінгі күннің орны бөлек. 
Бүгінде, дінді ғылыми түсіну бар да, құрапилықпен қабылдау бар. Халық арасында қазіргі таралып жүрген зерттеуді, тексеруді қажет етпейтін кейбір ұсақ фиқһ мәселелері ел берекесіне кесірін тигізбеу керек. Аллаға сипат беру, сақал мен балақ, тағы басқа да мәселелер ел еңсесін өшірмесе өсірмейді. Бұл деңгейдегі таластар ұлттың ұлт болып қалу кезеңінде, руханият дамуын ғасырлық артқа шегінуді тудырады. Себеп? Себеп түсінікті, Ислам-Ұлы құндылық, ұлы ғылым. Адам қолымен жаратлыған дін емес, ол Аллаһтың адамзатқа берген ниғметі. Ислам сонысымен нұрлы, қымбатты. Біздің қазіргі алты бақан алауыз болып жатқан таластарымыз өз кезегінде Қасиетті құранда, Хадисте, Ғұламалардың пікірінде өз шешімін тауып қойған. Үй ішіне үй тігіп, бөлек қазан асқандардың ар жағында кім тұрғаны, олардың қандай сыр бүккенін білсек, сезсек етті деген бірой ғой менікі...